Франция футболи гегемони ҳисобланган «ПСЖ» Лига 1нинг 3-турида «Монако»га 1:2 ҳисобида мағлуб бўлди.

Шу тариқа, парижликлар дастлабки уч турдан кейин бор-йўғи 2 очко тўплади. Жамоа икки марта дуранг ўйнади ва бир бор мағлуб бўлди.

Қатар сармояси кириб келган 2011 йилдан бери «ПСЖ» ҳеч қачон мавсумни бунчалик омадсиз бошламаган эди.

Париж клуби охирги марта шунга ўхшаш натижани 2007 йилда қайд этган. Ўшанда ҳам дастлабки уч турдан кейин жамоа ҳисобига атиги 2 очко ёзилган эди.

Ўша мавсумни «ПСЖ» ҳозирги мезонлар бўйича кутилмаган даражада паст — 16-ўринда якунлаган. Парижликлар 38 та ўйинда 43 очко тўплаган эди.