«Ипсвич» Англия Премьер-лигасида кетма-кет 22 та учрашувдан бери камида биттадан гол ўтказиб келмоқда.
Жамоа «Ливерпуль»га қарши ўйинда қисқа вақт ичида икки гол ўтказиб юборди ва якунда 0:2 ҳисобида мағлуб бўлди.
Маълум бўлишича, бу «Ипсвич»нинг Англия юқори дивизионида кетма-кет гол ўтказган 22-учрашуви бўлди. Бу клубнинг АПЛдаги янги антирекорди ҳисобланади.
«Ипсвич» охирги марта 2024/25 йилги мавсумда Англия юқори дивизионида дарвозасини дахлсиз сақлаган.
2024 йил 30 декабрь куни жамоа «Челси»ни 2:0 ҳисобида мағлуб этган эди. Ана шу учрашув «Ипсвич»нинг АПЛдаги сўнгги «қуруқ» ўйини бўлиб қолмоқда.
