«Сантос» ҳужумчиси Неймар янги жароҳат туфайли сафдан чиқди.

34 ёшли футболчи Бразилия кубоги доирасида «Палмейрас»га қарши ўтказилган ва 0:0 ҳисобида якунланган учрашувда танаффусдан сўнг алмаштирилган эди.

Кейинчалик ўтказилган тиббий текширувлар юлдуз футболчида жароҳат борлигини кўрсатди. The Touchline маълумотига кўра, Неймар бир неча ҳафта давомида майдонга туша олмаслиги кутилмоқда.

«Палмейрас»га қарши учрашувдан сўнг Неймар «Сантос» стадиони майдони ҳолатини кескин танқид қилган эди.

«Сантос» эса икки учрашув натижасига кўра умумий 0:3 ҳисобида мағлуб бўлиб, Бразилия кубогидан чиқиб кетди.