Бугун, 5 сентябрь куни Ўзбекистон Суперлигасининг 20-тури доирасида "Қўқон-1912" ва Самарқанднинг "Динамо" жамоалари ўзаро тўқнаш келади. Баҳс Қўқон марказий стадионида соат 18:00 да бошланади.
Жамоалар шу кунга қадар 25 марта ўзаро майдонга тушган. Уларнинг 9 тасида "Қўқон-1912", 8 тасида "Динамо" ғалаба қозонган. Яна 8 та учрашув дуранг билан якунланган.
Тўплар нисбатида эса самарқандликлар кичик устунликка эга — 31:29.
"Қўқон-1912"нинг мазкур рақиб устидан энг йирик ғалабаси 3:1 ҳисобида қайд этилган. "Динамо" эса ўзаро учрашувларда 6:0 ҳисобидаги йирик ғалабага эришган.
Бугунги учрашув жамоалар ўртасидаги 26-баҳс бўлади. 19-турдан кейин "Динамо" 26 очко билан 9-ўринда, "Қўқон-1912" эса 19 очко билан 14-поғонада бормоқда.
