«Галатасарай» ҳужумчиси Виктор Осимхен Туркия чемпионатининг 4-турида «Истанбул Башакшехир»га қарши ўйинни (3:2) якунлай олмади.
Осимхен 16-дақиқада гол урди, аммо 33-дақиқада жароҳати сабаб майдонни тарк этишга мажбур бўлди. Танаффусда «шерлар» Марио Леминани ҳам алмаштирди.
«Футболчиларимиз Виктор Осимхен ва Марио Леминада ўнг соннинг мушаклар гуруҳида (чов соҳасида) чўзилиш ва оғриқ аниқланди. Даволаш ишлари бошланди. Қўшимча текширув эртага ўтказилади», — дея хабар берди «Галатасарай» матбуот хизмати.
Осимхен жорий мавсумда Суперлиганинг 4 та учрашувида 6 та гол ва 2 та голли узатма қайд этди.
9 сентябрь куни «Галатасарай» Чемпионлар лигасидаги иштирокини «Спортинг»га қарши сафар ўйини билан бошлайди.
