"Барселона" бош мураббийи Ҳанси Флик "Валенсия"га қарши эртанги учрашув олдидан ўтказилган матбуот анжуманида Ламин Ямалнинг ҳолати ҳақида маълумот берди.
Ямал бугун жамоа билан умумий машғулотда иштирок этмаган ва якка тартибда ишлаган. Фликнинг айтишича, футболчи бироз оғриқ ҳис қилгани сабабли унга алоҳида шуғулланиш тавсия этилган.
"У якка тартибда машқ қилди ва ҳозирча ҳаммаси яхши. Ламин эртага биз билан бирга сафарга чиқади. Унинг учрашувда иштирок эта олиши ёки йўқлиги бўйича якуний қарорни эртага қабул қиламиз", — деди Флик.
Мутахассис машғулотдан кейин Ямал ўзини яхши ҳис қилаётганини ҳам таъкидлади.
"У машғулотдан сўнг ўзини яхши ҳис қилаётганини айтди. Шунинг учун у биз билан сафарга чиқиши ва эртанги ўйинда иштирок эта олишига умид қиламиз", — дея қўшимча қилди "Барселона" устози.
