"Ювентус"нинг собиқ вингери Дуглас Коста Италия А Сериясининг 3-туридан ўрин олган "Милан"га қарши учрашув олдидан ўз фикрлари билан ўртоқлашди.

"Якшанба куни стадионда бўлиб, ўйинни томоша қиламан. "Ювентус" Консейсау ва Маккеннининг голлари эвазига 2:1 ҳисобида ғалаба қозонади. Франсишку жуда кучли футболчи, менга у жуда ёқади. Дуглас Луисга ишонаман — у яхши футболчи. Аллегрини жуда яхши кўраман, у билан боғлиқ илиқ хотираларим бор", — деди ҳозирда "Ал-Иттифоқ"да тўп сураётган бразилиялик футболчи.

35 ёшли Дуглас Коста 2017 йилдан 2021 йилгача Турин клуби шарафини ҳимоя қилган. Шу вақт ичида у 103 та ўйинда майдонга тушиб, 10 та гол урган ва 18 та голли узатма амалга оширган.

"Ювентус" — "Милан" учрашуви 6 сентябрь, якшанба куни бўлиб ўтади. Баҳс соат 23:45 да бошланади.