«Интер» футболчиси Маркус Тюрам Италия чемпионатининг 3-турида «Наполи» устидан қозонилган 3:2 ҳисобидаги иродали ғалабадан сўнг фикр билдирди. «Нерадзурри» 0:2 ҳисобидан қайтиб, 92-дақиқада ҳал қилувчи голни урди.

«Мен ўйиннинг энг яхши футболчиси совринини олишни истадимми? Йўқ, йўқ. Бу соврин Лаутарога тегишли бўлиши керак. У бизнинг сардоримиз ва етакчимиз.

У жаҳон чемпионатида жуда кўп ўйин ўтказди ва дастлабки учрашувлар осон кечмаган бўлса ҳам, жамоа учун бор кучини берди. Ҳозир у яна ўзининг энг яхши даражасига қайтяпти ва бугун бизга ғалаба келтирди», — дея Тюрамнинг сўзларини Football Italia келтирмоқда.

Голни нишонлаши ҳақида эса Тюрам шундай деди:

«Бугун мен голдан кейин тўсиқ устига чиқдим, чунки бу алоҳида лаҳза эди. 0:2 ҳисобидан қайтиб, 3:2 ҳисобида ғалаба қозониш — ақл бовар қилмас ҳис».

«Интер» 9 имкониятдан 9 очко тўплаб, турнир жадвалида 1-ўринни эгаллаб турибди. «Наполи» эса 3 очко билан 13-поғонада.