«Inter» futbolchisi Markus Tyuram Italiya chempionatining 3-turida «Napoli» ustidan qozonilgan 3:2 hisobidagi irodali g‘alabadan so‘ng fikr bildirdi. «Neradzurri» 0:2 hisobidan qaytib, 92-daqiqada hal qiluvchi golni urdi.

«Men o‘yinning eng yaxshi futbolchisi sovrinini olishni istadimmi? Yo‘q, yo‘q. Bu sovrin Lautaroga tegishli bo‘lishi kerak. U bizning sardorimiz va yetakchimiz.

U jahon chempionatida juda ko‘p o‘yin o‘tkazdi va dastlabki uchrashuvlar oson kechmagan bo‘lsa ham, jamoa uchun bor kuchini berdi. Hozir u yana o‘zining eng yaxshi darajasiga qaytyapti va bugun bizga g‘alaba keltirdi», — deya Tyuramning so‘zlarini Football Italia keltirmoqda.

Golni nishonlashi haqida esa Tyuram shunday dedi:

«Bugun men goldan keyin to‘siq ustiga chiqdim, chunki bu alohida lahza edi. 0:2 hisobidan qaytib, 3:2 hisobida g‘alaba qozonish — aql bovar qilmas his».

«Inter» 9 imkoniyatdan 9 ochko to‘plab, turnir jadvalida 1-o‘rinni egallab turibdi. «Napoli» esa 3 ochko bilan 13-pog‘onada.