«Манчестер Сити» бош мураббийи Энцо Мареска Англия чемпионатининг 3-турида «Ковентри» устидан қозонилган 1:0 ҳисобидаги ғалабадан сўнг фикр билдирди.

«Бугунги ўйинимиз менга турли сабабларга кўра жуда ёқди. Биринчи бўлимда яна бир ёки иккита гол уришимиз мумкин эди. Аммо биз ғалаба учун биргаликда ишладик, шунинг учун натижадан мамнунман», — дея Маресканинг сўзларини BBC келтирмоқда.

«Паст блокда ҳимояланадиган жамоаларга қарши ўйнаш доим қийин. Менимча, биз бу вазифани жуда яхши уддаладик.

Мухлисларнинг асабийлашиши табиий ҳол. Бундай ўйинларнинг ўнтасидан тўққизтасида якунда ёқимсиз ҳис қолиши мумкин. Аммо 1:0 ҳисобида ғалаба қозониш ҳам жуда муҳим.

Ҳар бир ўйин чиройли ўтмайди. Қийин лаҳзалардан ҳам ўтишни билиш керак», — деди мутахассис.

«Манчестер Сити» 9 очко билан турнир жадвалида пешқадамлик қилмоқда. «Ковентри» эса ҳали очко жамғара олмай, сўнгги ўринда бормоқда.