Лондоннинг «Арсенал» клуби «Комо» ярим ҳимоячиси Николас Пасни кузатишда давом этмоқда.

«Канонирлар» ўтган ёзда аргентиналик футболчини таркибга қўшиб олиш имкониятини кўриб чиққан эди. Бироқ Пас Италияда қолишга қарор қилди. «Комо» унинг трансфер ҳуқуқларини Мадриднинг «Реал» клубидан 60 миллион еврога тўлиқ сотиб олган.

BBC маълумотига кўра, «Арсенал» 21 ёшли футболчига қизиқишини сақлаб қолган ва Пас келаси йил лондонликларнинг асосий трансфер мақсадларидан бирига айланиши мумкин.

Transfermarkt Николас Паснинг қийматини 80 миллион еврога баҳоламоқда. «Реал» тарбияланувчисининг «Комо» билан шартномаси 2028 йилгача амал қилади.