«Рома» ҳимоячиси Матиас Соуле А Серия доирасида «Аталанта» устидан қозонилган ғалабадан сўнг ўз фикрларини билдирди. Римликлар янги мавсумни кетма-кет учта ғалаба билан бошлади.
Учрашув давомида «Рома» тўпга 66,5 фоиз вақт эгалик қилди ва рақиб дарвозаси томон 39 марта зарба йўллади. Шулардан 10 таси дарвоза соҳасига аниқ борди.
«Асосий таркибда майдонга тушаманми ёки йўқми, бундан қатъи назар, доимо бор кучимни беришга ҳаракат қиламан», — деди Соуле Sky Sport Italia нашрига берган интервьюсида.
«Биз жуда аҳилмиз ва жамоа муваффақиятига ўз ҳиссамизни қўшишга тайёрмиз. Менимча, ўйинни бошидан охиригача назорат қилдик ва якунда муносиб очколарни қўлга киритдик.
Скудетто? Билмайман, чемпионлик ҳақида гапиришга ҳали жуда эрта. Ўтган мавсум Чемпионлар лигаси йўлланмасини қўлга киритдик, бу мавсум эса янада яхшироқ натижаларга эришишни истаймиз. Бу жамоа ҳеч қачон таслим бўлмайди», — дея қўшимча қилди аргентиналик футболчи.
