5 сентябрь куни "Ноттингем Форест" АПЛ 3-тури доирасида ўз майдонида "Тоттенхэм Хотспур"ни қабул қилди. Учрашув 0:0 ҳисобида якунланди.

"Тоттенхэм" мавсумнинг дастлабки уч турида бирорта ҳам гол ура олмади. "Ноттингем"га қарши баҳсда эса "шпорлар" рақиб дарвозаси томон бирорта ҳам аниқ зарба йўллай олмади.

"Тоттенхэм" сўнгги марта 2022 йил апрелида Антонио Конте бошчилигида "Брентфорд"га қарши ўйинда бутун учрашув давомида дарвозага бирорта ҳам аниқ зарба бера олмаган эди.

Бундан ташқари, Opta маълумотига кўра, "Тоттенхэм" 2021 йил ноябридан бери илк бор чемпионатда кетма-кет учта ўйинда гол ура олмади.