Sport24 маълумотига кўра, «Интер»нинг собиқ ҳужумчиси Эдди Сальседо «Рубин» билан 4 йиллик шартнома имзолашга яқин.

24 ёшли футболчи келаси ҳафта Қозон клубига ўтишни расмийлаштиришдан олдин тиббий кўрикдан ўтиши керак.

Италиялик футболчи 2018 йилдан 2025 йилгача Милан клуби тизимида бўлган, аммо асосий жамоа сафида бирор марта ҳам майдонга тушмаган. Шу билан бирга, «Интер» ёшлар жамоаси таркибида 35 та учрашувда 14 та гол ва 4 та голли узатма қайд этган.

«Интер»дан ташқари, Сальседо Италиянинг бир қатор клубларида ижара асосида ўйнаган. Ҳужумчининг сўнгги клуби Грециянинг ОФИ жамоаси бўлган. У шартнома муддати тугагани сабабли жорий ёзда клубни тарк этган.