«Депортиво» бош мураббийи Антонио Идальго «Вильярреал»га қарши ўйиндан сўнг 37 ёшли габонлик ҳужумчи Пьер-Эмерик Обамеянгнинг ўйинига юқори баҳо берди. Ушбу учрашувда футболчи 1 та гол урди ва 2 та голли узатмани амалга оширди.

Футболчи Ла Лиганинг жорий мавсумидаги ҳар бир ўйинда гол уришни уддалади — унинг ҳисобида 6 (4+2) очко бор.

«Обамеянг — бу ҳақиқий тенгсизлик ва ажойиб ҳодиса. У бирорта ҳам машғулотни ўтказиб юбормайди ва ҳаммадан кўпроқ меҳнат қилади. Шу билан бирга, у алоҳида истеъдод эгасидир.

Биз Ла Лиганинг янги аъзосимиз, бу узоқ давом этадиган жараён бўлади, аммо биз лигада жон сақлаб қалиш мақсадига тобора яқинлашмоқдамиз», — деди Идальго.

Ла Лиганинг 4 туридан сўнг «Депортиво» 8 очко жамғариб, турнир жадвалида 4-ўринни эгаллаб турибди.