«Ювентус» бош мураббий Лучано Спаллетти матбуот анжуманида А Сериянинг 3-туридан ўрин олган «Милан»га қарши бўлажак ўйин ва рақиб устози Рубен Аморим ҳақида ўз фикрлари билан ўртоқлашди, шунингдек, жамоанинг ҳолати ҳақида гапириб берди.

«Милан»да аниқ ғояларга эга ва кучли жамоа шакллантира олган мураббий бор. Рубен Аморимда жуда яхши таниладиган тактик принциплар тўплами мавжуд бўлиб, буни унинг «Спортинг»даги фаолияти давридаёқ баҳолай олганмиз. «Милан» — юқори темпда ўйнайдиган жамоа, улар тик (вертикал) узатмалар ва тезкор ҳужумга ўтишларга урғу беришади.

Бу уларнинг темпига мос келишни талаб қилади, акс ҳолда тўпга кечикиш хавфи юзага келади. Агар рақиб ҳаракатини олдиндан пайқай олсангиз, бу қўл келиши мумкин, чунки уларнинг тажовузкорлигидан (агрессиясидан) қўрқиш эмас, балки унга қарши фойдаланиш керак.

Ўйин шиддатли ва жозибадор кечади, чунки бу «Ювентус» — «Милан». Табиийки, биз ташаббусни ўз қўлимизга олишга ва ғалабага бўлган интилишимизни намойиш этишга ҳаракат қиламиз.

Қийинчиликлар йўқ эмас, таркибимизда еттита жароҳат олган футболчи бор ва уларнинг барчасида турли муаммолар.
Шунга қарамай, «Ювентус» даражасида ўйнай олишимизни ҳис қиляпмиз. Биз ушбу мавсумни яхши бошладик, аммо уларнинг опекасига (ҳимоявий босимига) яхшироқ қаршилик кўрсатишимиз керак, чунки «Милан» прессинг қилишда жуда тажовузкор. Ҳужумда қўлга киритилган ҳар бир метр тўпга эгалик қилиш бўйича ҳар қандай статистикадан кўра қадрлироқдир.

Ўйлайманки, «Милан» жуда кучли жамоа тузган. Ёдда тутинг, охирги ўйинларда улар Пулишич, Салемакерс, Рабьо, Модрич, Хатчинсон ва Морейрасиз ўйнашди, шу сабабли уларда танлов учун кўплаб вариантлар мавжуд», деди мураббий.