Халқаро футбол федерацияси — ФИФА Жанни Инфантино 2027 йил 18 март куни бўлиб ўтадиган ташкилот президентлиги сайловида иштирок этиш ниятида эканини тасдиқлади.
«Апрель ойида ФИФА президенти 2027 йилда ўз номзодини қўйишини айтган эди. Албатта, ҳеч нарса ўзгаргани йўқ. Жаноб Инфантино қайта сайланиш ниятида», — дея ФИФА вакилининг сўзларини журналист Бен Жейкобс X ижтимоий тармоғида келтирди.
ФИФА Инфантинонинг президентликка қайта сайланиш нияти ҳақида илк бор ташкилот мусобақалари, жумладан жаҳон чемпионати ҳуқуқларининг бир қисмини хусусий инвесторларга сотиш режаси тақдим этилганидан кейин маълум қилган.
УЕФА, ОФК ва КОНКАКАФ ушбу режани очиқ танқид қилган.
