«Лестер» таркибида Англия чемпиони бўлган Жейми Варди ватанига қайтди. 39 ёшли ҳужумчи Чемпионшип иштирокчиси «Бёрнли» клуби билан шартнома тузди. Бу ҳақда клуб матбуот хизмати расман хабар берди. Тажрибали ҳужумчи билан тузилган битим бир мавсумга мўлжалланган.
«Бёрнли»га ўтганимдан жуда хурсандман. Ушбу клуб бой футбол тарихига ҳамда ўз шаҳри ва жамоасини муносиб ҳимоя қилишга лойиқ бўлган ажойиб мухлисларга эга. Майдонга тушиш ва жамоанинг тўғри йўналишда илдамлашига ёрдам беришни интиқлик билан кутяпман», — дейди Варди «Бёрнли» расмий сайтига.
Август ойидан бери «Бёрнли» сафида «Челси»дан ижарага олинган Қозоғистон терма жамоасининг 18 ёшли ҳужумчиси Дастан Сатпаев тўп сурмоқда. Ортда қолган беш турдан сўнг, ўтган мавсумда Англия Премьер-лигасини тарк этган «Бёрнли» икки очко билан Чемпионшип турнир жадвалида охирги, 24-ўринни эгаллаб турибди.
