"Бавария" ҳужумчиси Марио Манжукич жамоа билан ҳамма совринларни қўлга киритишни истаётганини баён этиб, фаолиятининг охирига қадар Мюнхенда қолишини таъкидлади.
"Агар ҳаммаси ўз қўлимда бўлса, мен фаолиятимни "Бавария"да якунлашни афзал кўрардим. "Бавария" - бу мисоли катта оила демак. Ҳамма - юқори раҳбарлардан тортиб оддий хизматчиларгача бир мақсад йўлида бирлашган. Охирги вақтларда клубнинг кучайгани рост. Бу мавсумда барча турнирларни ютмоқчимиз", дея Манжукичнинг сўзларидан иқтибос келтирмоқда La Gazzetta dello Sport.













