«Лацио» бош мураббийи Женнаро Гаттузо Италия чемпионатининг 3-туридан ўрин олган «Удинезе»га қарши сафар ўйини олдидан мухлислар норозилигининг жамоага таъсири ҳақида гапириб ўтди.

«Агар клуб атрофидаги муҳит бизга таъсир қилмаяпти десам, мунофиқлик қилган бўламан. Таъсир қиляпти, бу факт. «Олимпико» каби гўзал стадионда ўйнаётганингда, аммо ўз мухлисларингнинг қўллаб-қувватлаши бўлмаса, голдан сўнг трибуна томон бора олмасанг ва ишлар юришмаган пайтда ҳуштакбозлик эшитсанг, бу жуда сезилади», — деди Гаттузо Sky нашрига берган интервьюсида.

«Биз бу ҳолатни енгиб ўтишни билишимиз керак. Бундай қийинчиликлар бўлишини билардим. Ягона йўл — меҳнат қилишда давом этиш, яхши ўйин кўрсатиш ва тайёр бўлишдир. Умид қиламизки, кунлардан бир кун буларнинг барчаси тугайди ва яна мухлисларимиз билан бирга бўлиш, улар эса бизга ёрдам бериш имкониятига эга бўлишади.

Ҳозирча кўп нарса қила олмаймиз. Уларнинг қарорини ҳурмат қилиш керак, чунки улар ўз позицияларида қатъий турмоқдалар. Мен фақат буни қабул қилишим ва кунлардан бир кун «Олимпико» яна мухлисларимиз билан тўлишини орзу қилишим мумкин», — дея қўшимча қилди мураббий.

Мухлислар норозилигига клуб президенти Клаудио Лотито ва унинг олиб бораётган фаолиятидан норозилик сабаб бўлмоқда.