«Сантос» Бразилия чемпионатининг 26-турида сафарда «Интернасьонал»ни 3:2 ҳисобида мағлуб этди.

Учрашувда ҳисоб 8-дақиқада очилди. «Сантос» ҳужумчиси Габриэл Барбоза жамоасини олдинга олиб чиқди. 29-дақиқада у пенальтини аниқ амалга ошириб, дубль қайд этди. 39-дақиқада эса «Сантос» форварди Кристиан Олива ҳисобни янада йириклаштирди.

49-дақиқада ҳимоячи Брайан Агирре «Интернасьонал»нинг биринчи голини урди. 90+1-дақиқада мезбонлар ярим ҳимоячиси Бруно Энрике пенальтини голга айлантириб, учрашувнинг якуний ҳисобини белгилади.

«Интернасьонал» 28-дақиқадан бошлаб бир киши кам бўлиб ҳаракат қилди. Ҳимоячи Матеус Баия майдондан четлатилди.

«Сантос» ҳужумчиси Неймар жароҳат сабаб ушбу ўйинда иштирок этмади.

«Интернасьонал» 26 та ўйиндан кейин 25 очко билан Бразилия чемпионати турнир жадвалида 18-ўринни эгаллаб турибди. «Сантос» эса 25 та учрашувда 32 очко жамғариб, 12-поғонада бормоқда.