Нидерландиялик таниқли ярим ҳимоячи Жоржиньо Вейналдум фаолиятини Саудия Арабистонининг «Ал-Иттиҳод» клубида давом эттиради.

Саудия клуби 35 ёшли футболчини эркин агент сифатида ўз сафига қўшиб олганини расман эълон қилди. Журналист Бен Жейкобс маълумотига кўра, Вейналдум мавсум якунига қадар шартнома имзолаган. Келишувни яна бир йилга узайтириш имконияти ҳам мавжуд.

Вейналдум бунга қадар уч йил давомида «Ал-Иттифоқ» шарафини ҳимоя қилди. Саудия Арабистонига кўчиб ўтишидан олдин эса у «ПСЖ», «Рома», «Ливерпуль», «Ньюкасл», ПСВ ва «Фейеноорд» каби клубларда тўп сурган.

«Ал-Иттиҳод» Саудия Арабистони чемпионатида 5 турдан сўнг 11 очко жамғариб, турнир жадвалида 4-ўринни эгаллаб турибди.