Англия терма жамоаси ва АПЛнинг бир қатор клублари собиқ футболчиси Эшли Янг Лондоннинг «Арсенал» ва «Челси» жамоалари ўртасидаги ўйинни томоша қилишдан катта завқ олди. Унга айниқса норвегиялик Мартин Эдегорнинг ўйини маъқул келди.
«Мартин Эдегор каби футболчининг ўйинини кузатиш — ҳақиқий роҳат. У тўпни қабул қилиб олганда жуда ёрқин ҳаракат қилади ва жамоадошларига ҳам ўйинга киришиб кетишга ёрдам беради; унинг ва ўнг қанотда Сака ҳамда Хаверц ўртасидаги ўзаро тушуниш эса шунчаки ажойиб: бир-бирини жуда яхши тушунадиган ва шундай ўйин боғламларини ҳосил қиладиган футболчиларни кўриш ёқимли», — дейди Янг BBC Sport нашрига.
Эслатиб ўтамиз, Эдегор 2021 йилдан бери «Арсенал» шарафини ҳимоя қилиб келмоқда.
