Франция Лига 1 чемпионатининг учинчи тури ажойиб рекорд келтирди — бўлиб ўтган тўққизта ўйиннинг еттаси меҳмонларнинг ғалабаси билан якунланди, шу жумладан «Страсбург»нинг «Труа»га қарши кечган (6:2) баҳси ҳам шулар жумласидандир.
Маълум бўлишича, Франция чемпионатида ҳали ҳеч қачон бир турда бирданига еттита меҳмондаги ғалаба қайд этилмаган эди. Бу Франция чемпионатининг олий лигаси учун мутлақ рекорд бўлди.
Таъкидлаш жоизки, жорий мавсумда ҳали очко йўқотмаган ягона клуб — «Монако» турнир жадвалида пешқадамлик қилмоқда. Куни кеча монегасклар мамлакат гегемони ва чемпиони — «ПСЖ»ни мағлуб этишди. «ПСЖ» эса ўз навбатида ҳозирча бор-yoғи ўн учинчи ўринда бормоқда.
