«Манчестер Сити» бош мураббийи Энцо Мареска Эрлинг Холандни алмаштириши мумкин бўлган футболчилар ҳақида фикр билдирди.
Италиялик мутахассис норвегиялик ҳужумчини ортиқча зўриқтирмаслик учун барча учрашувларда ҳам асосий таркибда майдонга туширишни режалаштирмаётганини айтди.
«Холандни ким алмаштириши мумкин? Бу ўйин режаси ва учрашувнинг қандай кечишига боғлиқ.
Антуан Семеньо марказий ҳужумчи позициясида ўйнай олади. Шунингдек, Фил Фоден аввал ҳам «сохта тўққизлик» ролида ҳаракат қилганини биламан. Барчаси вазиятга боғлиқ», — дея Маресканинг сўзларини The Touchline келтирди.
Сешанба куни «Манчестер Сити» Чемпионлар лигаси умумий босқичининг 1-турида сафарда «Порту»га қарши майдонга тушади.
