«Эвертон» бош мураббийи Дэвид Мойес трансфер ойнасидаги беқарорликка қарамай, клуб амбицияли ва рақобатбардош бўлиши кераклигини таъкидлади. «Хилл Дикинсон Стэдиум»да «Манчестер Юнайтед» билан қайд этилган дурангдан (2:2) сўнг мураббий янги келган футболчиларни мақтади ва «ирискалар» топ-жамоаларга жиддий қаршилик кўрсата олишига умид билдирди.

Ҳал қилувчи пайт 90+6-дақиқада юз берди: душанба куни «Лион»дан ўтган дебютант Эйнсли Мэйтленд-Найлз жарима майдони ташқарисидан йўллаган кучли зарбаси билан «Эвертон»га дуранг келтирди.

«Бу сўнгги дақиқада ўйинга қайтиш учун жуда муҳим пайт, ажойиб гол ва мухлислар учун катта лаҳза бўлди».

Мураббий шунингдек, «Манчестер Сити»дан ижара асосида қайтгач, захирадан майдонга тушиб, «ирислар» сафидаги дебютини ўтказган Жек Грилишнинг ўйинига ҳам баҳо берди.

«У тўпни жуда яхши ушлаб турди ва ажойиб узатмаларни амалга оширди. Оёқ жароҳати сабабли у олти ой ўйнамади, шунинг учун уни аввалги спорт формасига қайтариш йўлини топишимиз керак».