Ҳужумчи Франческо Пио Эспозито «Интер» билан 2032 йилгача мўлжалланган янги шартномага қўл қўйди. 21 ёшли форвард ушбу келишувни «ушалган орзу» деб атади ва клуб билдирган ишончни оқлаш учун меҳнат қилишда давом этишга ваъда берди.
«Мен ҳамиша «Интер»ни ўз уйим деб билганман ва шартномани узайтиришни орзу қилардим. Бу менинг ўсишим учун мукаммал макон, билдирилган ишонч учун клубга фақат миннатдорчилик билдираман».
Футболчи, шунингдек, жамоа сардори Лаутаро Мартинеснинг таъсири ҳақида ҳам тўхталиб ўтди:
«У биринчи кундан бери менга ёрдам бериб келади, майдонда ва майдондан ташқарида маслаҳатлар беради. Мен унинг изидан боришни истайман».
Эспозито «Интер» тарбияланувчиси ҳисобланади ва ёшлар жамоасидан то асосий таркибгача бўлган йўлни босиб ўтган.
