19 ёшли ҳужумчи Махамад Сангаре Англиянинг «Манчестер Сити» клубини тарк этди. Истиқболли футболчи фаолиятини Саудия Арабистони чемпионатида давом эттиради.
«Ал-Қодисия» матбуот хизмати Сангаре билан шартнома имзоланганини расман маълум қилди. Томонлар 2029 йилнинг ёзига қадар мўлжалланган узоқ муддатли келишувга эришган.
Сангаре «Манчестер Сити»га 2025 йил ёзида «ПСЖ»дан эркин агент сифатида ўтган эди. Бироқ у инглиз клубининг асосий жамоаси сафида бирорта ҳам расмий учрашувда майдонга тушмади.
Саудия Арабистони чемпионатининг 5 туридан сўнг «Ал-Қодисия» 12 очко жамғариб, турнир жадвалида 3-ўринни эгаллаб турибди.
