Футбол мухлислар учун ўйналиши ҳеч кимга сир эмас. Лекин сўнгги пайтларда Ўзбекистон чемпионати томошабинлар ташрифи бўйича мақтана олмайди. Барча жамоалар ўз мухлисларини қандай қилиб стадионга қайтариш ҳақида бош қотираётган бир пайтда бизнинг жамоамиз мухлислари “Нефтчи”ни қўллаб-қувватлаш учун ҳатто сафар ўйинларига ҳам боришаётгани қувонарли ҳолдир. Иккинчи даврада жамоамиз уч марта меҳмонда тўп сурди ва ҳар учала ўйинда стадионида фарғоналик мухлисларнинг “Нефтчи”, “Нефтчи” деб ҳайқириқлари эштилиб турди. Бу эса албатта жамоамиз учун катта далда бўлмоқда, десак муболаға бўлмайди.

Олдин айтиб ўтганимиздек, жамоамиз ўз мухлислари билан ҳамиша фахрланиб келган. 12-ўйинчи таърифини бизнинг мухлисларга жуда мос тушади. Айнан уларнинг қўллаб-қувватлашлари жамоамизнинг  ҳар бир учрашувда фақат ғалаба қозониш учун майдонга тушишига сабаб бўлмоқда.

Мухлисларимизнинг Гулистон шаҳрига бориб жамоамизга бевосита стадионда далда бўлишгани учун клуб раҳбарияти, мураббийлар штаби ва барча ходимлар номидан миннатдорчилик изҳор этамиз. Ўйлаймизки, бундан кейин ҳам бизни ёлғизлатиб қўймайсизлар, деган умиддамиз.

Барчангизни 28 сентябрь куни “Қизилқум”га қарши кечадиган ўйинга таклиф этиб қоламиз.