Кеча, 25 сентябрь куни Осиё Чемпионлар лигасида ярим финалнинг дастлабки ўйинлари бўлиб ўтди.

Японияда "Кашива Рейсол" ўз майдонида Хитойнинг "Гуанчжоу" клубини қабул қилди. Учрашувда ҳисобни майдон эгалари очишганига қарамай, меҳмонлар 4та гол уришга муваффақ бўлишди. Хитой клуби сафида Дарио Конка ва Мурикуи дублга эришди. Натижада жавоб баҳси фақат расмиятчиликка айланди, холос.

Ушбу ўйинни ҳамюртимиз Валентин Коваленко бошчилигидаги ҳакамлар бригадаси бошқариб борганини таъкидлаш лозим.

 Иккинчи ўйинда эса Жанубий Кореянинг "Сеул" клуби ўз майдонида Эроннинг "Истиқлол" клубини қабул қилди. Ўйинда мезбонлар 2:0 ҳисобида зафар қучишди.

Ярим финал жавоб ўйинлари 2 октябрь куни бўлиб ўтади.

Осиё чемпионлар лигаси
Ярим финал, дастлабки учрашувлар
"Кашива Рейсол" (Япония) - "Гуанчжоу" (Хитой) 1:4
 Голлар: Жорже Вагнер 10 - Мурикуи 58, 90+1, Дарио Конка 67, 82.

"Сеул" (Жанубий Корея) - "Истиқлол" (Эрон) 2:0
 Голлар: Дамянович 39, Ко Йо Хан 47.