«Астон Вилла» ярим ҳимоячиси Леон Горецка бирмингемликлар сафидаги дебютини вақтинча кечиктиради. Германиялик футболчи янги клубдаги машғулотларда жисмоний юклама ошгани сабаб жароҳат олганини ижтимоий тармоқларда маълум қилди.
«Организмимга қисқа танаффус жуда керак», — деб ёзди Горецка.
«Бавария»нинг собиқ футболчиси ўтган ёз охирида эркин агент сифатида «Астон Вилла»га қўшилган. Бироқ у ҳали Унаи Эмери жамоаси таркибида расмий ўйинда майдонга тушмаган.
«Астон Вилла» АПЛда мавсумни омадсиз бошлади — уч турдан сўнг жамоа ҳисобида бор-йўғи 1 очко бор. Шу ҳафта бирмингемликлар Чемпионлар лигаси умумий босқичининг 1-турида «Брюгге»га қарши майдонга тушади.
