"Ливерпуль" ҳужумчиси Федерико Кьеза жароҳатдан тикланганидан кейин етарли ўйин амалиётига эга бўлмаса, 2027 йил январда жамоани тарк этиш имкониятини кўриб чиқади.
Football Insider манбасига кўра, 28 ёшли италиялик футболчи мушак жароҳати сабаб сафдан чиққан. Кутилишича, у шу ой охиридаги терма жамоалар танаффуси пайтида машғулотларга қайтади.
"Ливерпуль" Кьезани Чемпионлар лигасининг 2026/27 йилги мавсуми умумий босқичи учун қайдномага киритмаган.
Аввалроқ футболчининг 2025/26 йилги мавсумдан кейин ёзги трансфер ойнасида "Ливерпуль"ни тарк этиши кутилган эди. Ўша мавсумда у барча мусобақаларда 36 та ўйин ўтказиб, 3 та гол урди ва 3 та голли узатма қайд этди.
Кьезанинг "Ливерпуль" билан шартномаси 2028 йил 30 июнга қадар амал қилади. У 2024 йил августидан бери "қизиллар" сафида тўп суриб келмоқда.
Transfermarkt портали собиқ Италия терма жамоаси футболчисининг трансфер қийматини 13 миллион еврога баҳоламоқда.
