"Манчестер Сити"нинг собиқ ярим ҳимоячиси Жоуи Бартон суд жараёнига қадар ҳибсда қолади.

Бартон яна бир эркак билан бирга Мерсисайддаги Huyton and Prescot гольф-клуби яқинида содир бўлган жанжал пайтида тан жароҳати етказишда гумон қилиниб қўлга олинган. Унинг гаров эвазига озод қилиниши ҳақидаги сўров рад этилган.

The Guardian маълумотига кўра, собиқ футболчи ўтган ҳафта Ливерпуль Қироллик судида қатнашиши керак эди. Бироқ чоршанба куни мажлис қолдирилиб, 2027 йил март ойига кўчирилди.

Бартонни гаров эвазига озод қилиш бўйича такрорий ариза ҳам қаноатлантирилмади.

Шу тариқа, у судга қадар камида 12 ой ҳибсда қолиши мумкин. Ҳозирда Бартон Ливерпулдаги HM Prison қамоқхонасида сақланмоқда.