Transfermarkt ёзги трансфер ойнасида футболчилари учун энг кўп маблағ сарфланган мамлакатлар рейтингини тақдим этди.

Рўйхатда Англия катта фарқ билан биринчи ўринни эгаллади. Инглиз футболчиларининг ёзги трансферлари умумий ҳисобда 1,08 миллиард еврога етган.

Кейинги икки поғонада деярли бир хил натижа қайд этилди: Испания футболчилари учун 785 миллион евро, Франция вакиллари учун эса 784 миллион евро сарфланган.

Кучли бешликдан Бразилия — 608 миллион евро ва Аргентина — 552 миллион евро билан жой олди. Португалия футболчилари трансферлари 505 миллион евро, Нидерландияники 491 миллион евро, Италияники эса 450 миллион еврони ташкил қилди.

Шунингдек, кучли ўнликка Бельгия (438 млн евро) ва Кот-д’Ивуар (381 млн евро) ҳам кирди.

Рейтингнинг кейинги ўринларидан Германия — 350 млн, Сенегал — 348 млн, Марокаш — 237 млн, Дания — 229 млн, Швейцария — 185 млн, Греция — 172 млн, Уругвай — 142 млн, Босния ва Герцеговина — 137 млн, Нигерия — 128 млн ҳамда Колумбия — 121 млн евро билан жой олган.