Transfermarkt yozgi transfer oynasida futbolchilari uchun eng ko‘p mablag‘ sarflangan mamlakatlar reytingini taqdim etdi.

Ro‘yxatda Angliya katta farq bilan birinchi o‘rinni egalladi. Ingliz futbolchilarining yozgi transferlari umumiy hisobda 1,08 milliard yevroga yetgan.

Keyingi ikki pog‘onada deyarli bir xil natija qayd etildi: Ispaniya futbolchilari uchun 785 million yevro, Fransiya vakillari uchun esa 784 million yevro sarflangan.

Kuchli beshlikdan Braziliya — 608 million yevro va Argentina — 552 million yevro bilan joy oldi. Portugaliya futbolchilari transferlari 505 million yevro, Niderlandiyaniki 491 million yevro, Italiyaniki esa 450 million yevroni tashkil qildi.

Shuningdek, kuchli o‘nlikka Belgiya (438 mln yevro) va Kot-d’Ivuar (381 mln yevro) ham kirdi.

Reytingning keyingi o‘rinlaridan Germaniya — 350 mln, Senegal — 348 mln, Marokash — 237 mln, Daniya — 229 mln, Shveysariya — 185 mln, Gresiya — 172 mln, Urugvay — 142 mln, Bosniya va Gersegovina — 137 mln, Nigeriya — 128 mln hamda Kolumbiya — 121 mln yevro bilan joy olgan.