Италиялик таниқли ҳужумчи Андреа Белотти Б Серияда иштирок этадиган «Модена» клубига ўтишга яқин турибди.
32 ёшли футболчи янги клуби билан шартнома шартларини келишиб олган ва жамоага эркин агент сифатида қўшилади. Бу ҳақда «Tuttosport» хабар берди.
Манбага кўра, томонлар бир мавсумга мўлжалланган шартнома имзолайди. Белотти бугун тиббий кўрикдан ўтиши керак. Шундан сўнг унинг трансфери расман эълон қилинади.
Белоттининг сўнгги клуби «Кальяри» бўлган. У ўтган мавсумда жамоа сафида бор-йўғи саккизта ўйинда майдонга тушди. Ҳужумчи сентябрь ойида олдинги хочсимон пайларини узиб олгани сабабли узоқ муддат сафдан чиққан эди.
«Кальяри» билан шартномаси якунланганидан сўнг Белотти эркин агент мақомини олди.
