«Интер» бош мураббийи Кристиан Киву УЕФА Чемпионлар лигасида «Реал»га қарши ўйин олдидан Жозе Моуриньога бўлган муносабати ҳақида гапирди.

«Моуриньо мен учун алоҳида инсон. У билан учрашганимни катта омад деб биламан. Ҳаётимнинг энг оғир даврида у менга ёрдам берган ва буни ҳеч қачон унутмайман.

Мен ҳеч қачон бирор кишига тақлид қилмаганман. Футболга нисбатан ўз қарашларим бор. Улар футболчи бўлиб ўйнаган йилларимда, кейинчалик ёшлар тизимида ишлаб, турли ғояларни синаб кўрган давримда шаклланган. Ҳозир бу тажриба менга ёрдам бермоқда.

Биз клуб тарихида янги ва муҳим саҳифаларни ёзишимиз керак. «Интер» сўнгги йилларда жуда юқори мезон ўрнатди. Энди бу тарихни давом эттиришимиз лозим.

Ушбу стадиондаги ҳиссиётларимга келсак, у янада чиройли бўлибди. Ҳозир арена анча замонавий кўринади. Бу ерда ўйнаш имкониятига эга бўлиш ҳар қандай инсонга улкан завқ бағишлайди», — деди Киву матбуот анжуманида.

Чемпионлар лигаси умумий босқичининг 1-туридан ўрин олган «Реал» — «Интер» учрашуви бугун, 8 сентябрь куни бўлиб ўтади. Баҳс Тошкент вақти билан 9 сентябрь куни соат 00:00 да бошланади.