«Ливерпуль» ярим ҳимоячиси Доминик Собослаи Антони Ираола бош мураббий этиб тайинланганидан кейин жамоанинг ўйин услуби ҳақида фикр билдирди.
«Ираола менга жуда ёқади. Унинг ўйин услуби ўта шиддатли ва ҳужумкор эканини биламан. Бу менга маъқул.
Ўтган мавсумда айнан шу жиҳат бизга етишмади. Агар ўйинимизга шиддатни қайтара олсак ва ғалабани бошқалардан кўпроқ исташимизни кўрсата олсак, бизда бунинг учун зарур маҳорат бор. Ушбу жиҳатлар уйғунлашса, бизни ҳеч ким тўхтата олмайди», — деди Собослаи.
Англия Премьер-лигасининг учта туридан кейин мерсисайдликлар битта ғалаба ва иккита дуранг қайд этиб, турнир жадвалида олтинчи ўринни эгаллаб турибди.
Ираола шогирдлари навбатдаги учрашувини 9 сентябрь, чоршанба куни УЕФА Чемпионлар лигаси доирасида «Атлетико»га қарши ўтказади.
