Мюнхеннинг «Бавария» клуби ярим ҳимоячиси Том Бишоф болаликдаги кумири ким бўлганини айтди.

«Эҳтимол, дунёдаги ҳар икки кишидан бири берадиган жавобни айтарман — Месси. Чунки болалигимдан улғайгунимга қадар ҳамма жойда у ҳақидаги гапларни эшитганман. Мен учун у энг яхши футболчи», — деди Бишоф.

Месси «Барселона» тарбияланувчиси бўлиб, фаолиятининг асосий қисмини Каталония клубида ўтказган. Айни пайтда 39 ёшли ҳужумчи АҚШнинг «Интер Майами» жамоасида тўп сурмоқда.

Аввалроқ Бишоф келажакда Мессига қарши майдонга тушишни исташини айтган эди. Германиялик футболчи буни ўзининг кичик орзуси деб атаган, аммо унинг амалга ошишига унчалик ишонмаслигини ҳам тан олган.