«Бавария» ярим ҳимоячиси Том Бишоф келажакда аргентиналик ҳужумчи Лионель Мессига қарши майдонга тушишни орзу қилишини айтди.

«Майдонда кимга қарши ўйнашни истайман? «ПСЖ» билан яна бир бор тўқнаш келишни жуда хоҳлайман. Умид қиламанки, кейинги сафар уларни мағлуб эта оламиз.

Бундан ташқари, Мессига қарши ўйнашни ҳам жуда истардим. Бу менинг кичик орзуларимдан бири, аммо уни амалга ошириш осон бўлади деб ўйламайман», — деди Бишоф матбуот анжуманида.

Эслатиб ўтамиз, «Бавария» Чемпионлар лигасининг ўтган мавсуми ярим финалида «ПСЖ»га қарши ўйнаб, икки учрашув натижасига кўра 5:6 ҳисобида имкониятни бой берган эди.

21 ёшли Бишоф жорий мавсумда барча мусобақалар доирасида тўртта ўйин ўтказиб, битта гол урди.