«Манчестер Юнайтед»нинг собиқ қанот ҳужумчиси Жейдон Санчо фаолиятини Англия Премьер-лигасининг бошқа клубида давом эттириши мумкин.
TEAMtalk хабарига кўра, 26 ёшли футболчи айни пайтда Премьер-лиганинг икки клуби билан музокара олиб бормоқда. Англиялик ўйинчига у аввал тўп сурган Дортмунднинг «Боруссия» клуби ҳам қизиқиш билдирмоқда.
Шунингдек, Туркия, Саудия Арабистони ва Бирлашган Араб Амирликлари клублари Санчони кузатишда давом этаётгани таъкидланган.
Санчо ёзги трансфер ойнасида «Манчестер Юнайтед»ни эркин агент сифатида тарк этган эди. Бироқ у ҳозиргача ўзига янги жамоа топа олмади.
Transfermarkt футболчининг бозор қийматини 18 миллион еврога баҳоламоқда.
