«Барселона» ҳимоячиси Ҳерард Пике кеча бўлиб ўтган Испания чемпионатининг «Эльче» ҳамда «Реал» жамоалари ўртасидаги учрашувини комедия деб атади.
«Ҳозиргина Испания чемпионатида жуда ажойиб комедиянинг гувоҳи бўлдим. Бундай комедияларни кечаси кўриш жуда ёқимли»,- деб ёзади Пике твиттер саҳифасида.
Шуни ҳам таъкидлаш жоизки, кеча «Реал» 2:1 ҳисобида ғалаба қозонган. Учрашувда Криштиану Роналду дублга эришган. Эътиборлиси шундаки, ҳакам учрашувга 3 дақиқа қўшиб берган бўлишига қарамай, уни 98-дақиқагача чўзиб юборган. Бунинг устига «Реал»га ғалаба келтирган голни Роналду 97-дақиқада пенальтидан киритган.
