Тўрт вазн тоифасида мағлубиятга учрамаган жаҳон чемпиони, япониялик Наоя Иноуэ карьерасининг келажаги ҳақида фикр билдириб, фаолиятини қачон якунлаши мумкинлигини айтди.
«Менинг позициям, умуман олганда, ўзгаргани йўқ. Агар Жесси Родригес билан жанг амалга ошмаса, ярим енгил вазн тоифасига ўтиш ҳақида ўйлайман. Карьерамнинг сўнгги икки-уч йилини таваккалсиз жанглар ўтказишга сарфлашни истамайман. Мен оғирроқ вазн тоифасига ўтиб, ўзимга янги чақириқ ташламоқчиман», — дея Иноуэнинг сўзларини The Ring нашри келтирган.
Наоя Иноуэ 33 ёшда. Япониялик боксчи профессионал рингдаги фаолиятини 2012 йилда бошлаган. 2014 йилда биринчи енгил вазн (49 кг гача) ва иккинчи енгил вазн (52,2 кг гача) тоифаларида жаҳон чемпиони бўлган. 2022 йилда легчайн вазн (53,5 кг гача) тоифасида абсолют жаҳон чемпионига айланган, 2023 йилда эса иккинчи енгил вазн тоифасида абсолют чемпион бўлган.
