«ПСЖ» сардори Маркиньос Чемпионлар лигасининг «Слован»га қарши дастлабки ўйини олдидан Усмон Дембеленинг жамоадаги ўрнига юқори баҳо берди.

«У ўз қадрини аллақачон кўрсатган. Дембеле кийиниш хонасидаги етакчилардан бири. У жамоа учун жуда муҳим футболчи, мураббий эса уни қандай бошқариш кераклигини яхши билади. Шунинг учун у сўнгги мавсумлардаги каби ўзининг энг яхши даражасида ўйнай оляпти. У жуда мотивацияланган ва буни ҳар куни машғулотларда кўрсатмоқда», — деди Маркиньос.

Бразилиялик ҳимоячи Дембеленинг фақат ҳужумда эмас, бошқа жиҳатларда ҳам жамоага катта фойда келтираётганини таъкидлади.

«У гол уради, голли узатма беради, прессинг қилади ва ҳимояда ҳам ишлайди. У — мукаммал футболчи. Қайси жамоада ўйнашига қарамай, у алмаштириб бўлмас ўйинчи. Биз унинг жамоамизда эканидан жуда хурсандмиз», — деди Маркиньос.