Миланнинг «Интер» клуби Чемпионлар лигаси умумий босқичининг биринчи ўйинида Мадриднинг «Реал» клубига мағлуб бўлди. Карлос Аугустонинг голига қарамай, учрашувдан кейин футболчи бироз хафа кўринди.
«Гол урганимдан хурсандман, аммо аралаш ҳиссиётлардаман. Мен учун энг муҳими — «Интер»нинг ғалаба қозониши. Биз характер кўрсатдик ва «Удинезе»га қарши ўйинга тайёр ҳолда етиб бориш учун бу кайфиятни сақлаб қолишимиз керак. Ҳисобда ортда қолаётганингда гол уришга ҳаракат қиласан, шу сабабли ҳимояда бўшлиқлар пайдо бўлади. Аммо биз буни уддаладик ва шу руҳда давом этишимиз керак», — деди Аугусто.
Октябрь ойида «Интер» Чемпионлар лигасидаги навбатдаги ўйинини «Брюгге»га қарши ўтказади.
