«Милан»нинг собиқ футболчиси Звонимир Бобан «Интер»нинг «Реал»га қарши ўйини ҳақида фикр билдирди. У миланликлар рақибига қараганда фаолроқ ҳаракат қилгани ва бундай натижага лойиқ эмаслигини таъкидлади.

«Менимча, «Интер» характер кўрсатди: жамоа рақибга ўз ўйинини ўтказиш учун жасорат топди. Дастлаб рақиб унчалик хавфли кучдек кўринмаслиги мумкин, аммо ўз ритмини топиши билан юқори савиясини намойиш этади. «Интер» ўтказиб юборган иккита гол жуда ғалати кўринди: «нерадзуррилар» ўйинни тўлиқ назорат қилаётгандек туюлган пайтда айнан шу голлар дарвозага кириб кетди», — деди Бобан.

«Интер» Чемпионлар лигаси умумий босқичидаги навбатдаги ўйинини «Брюгге»га қарши ўтказади.