Ҳужумкор ярим ҳимоячи Иско сешанба куни Чемпионлар лигасида «Бетис» сафида «Лилль»га қарши ўйинда майдонга тушди. Журналист Алексис Мартин-Тамаёнинг маълум қилишича, Иско турнир тарихида бир мамлакатнинг бешта жамоаси сафида Чемпионлар лигасида ўйнаган биринчи футболчи бўлди.
Иско Чемпионлар лигасида Испаниянинг «Валенсия», «Малага», «Реал», «Севилья» ва «Бетис» клублари сафида ўйнаган.
Бир қатор футболчилар Чемпионлар лигасида бир мамлакатнинг тўртта клуби сафида ўйнаш билан чекланган. Улар орасида Эрнан Креспо, Стефан Дальма, Хатем Бен Арфа, Бурак Йилмаз ва Рахим Стерлинг бор.
«Бетис» меҳмонда «Лилль»ни 3:2 ҳисобида мағлуб этди.
