«Астон Вилла» сардори Жон Макгинн клуб тарихида Европа мусобақаларида энг кўп гол урган футболчига айланди.

31 ёшли ярим ҳимоячи Чемпионлар лигаси гуруҳ босқичининг биринчи турида «Брюгге»га қарши ўйиннинг 11-дақиқасида гол урди. Учрашув «Астон Вилла»нинг 3:2 ҳисобидаги ғалабаси билан якунланди.

Шу тариқа, Макгинннинг еврокубоклардаги голлари сони 12 тага етди. У аввалроқ «Ал-Ҳилол»га ўтган ҳужумчи Олли Уоткинснинг 11 та голлик натижасидан ўзиб кетди.

Шотландиялик футболчи 2018 йил августидан буён Бирмингем клуби шарафини ҳимоя қилиб келмоқда. У ҳозирга қадар жамоа сафида жами 334 та ўйин ўтказиб, 41 та гол урди ва 49 та голли узатма амалга оширди.