«Вильярреал» бош мураббийи Иньиго Перес 2026/27 йилги мавсум Чемпионлар лигаси УЕФА умумий босқичи 1-турида Дортмунднинг «Боруссия»сига қарши учрашув якунларини сарҳисоб қилди. Испанияликлар 2:3 ҳисобида мағлуб бўлди.
«Биз «Боруссия»нинг ҳужумдаги салоҳиятини чеклаш ва шу билан бирга ўз имкониятларимизни яратишни режалаштиргандик. Айрим вақтларда буни муваффақиятли амалга оширдик, аммо якунда бу бизга ҳеч қандай натижа келтирмади.
Ҳали ўйинимиздаги айрим камчиликларни бартараф этишимиз керак, аммо мен мутлақо хафа эмасман. Шу билан бирга, жамоам сифатли футбол учун муносиб мукофот олишини истардим», — дея Переснинг сўзларини УЕФА расмий сайти келтирмоқда.
«Вильярреал» кейинги учрашувини Чемпионлар лигаси 2-турида 13 октябрь куни «Наполи»га қарши ўтказади. Дортмунднинг «Боруссия»си эса бир кундан сўнг, 14 октябрь куни Норвегиянинг «Будё-Глимт» клуби билан ўйнайди.
