Намибия футбол федерацияси президенти Роберт Жоэл Шимоошили Россия терма жамоасига қарши ўтказиладиган ўртоқлик учрашуви ҳақида фикр билдирди. Учрашув 3 октябрь куни Екатеринбургда бўлиб ўтади.
«Биз Екатеринбургда Россия терма жамоасига қарши ўйнаймиз ва барча юлдуз футболчиларимиз ушбу учрашувда иштирок этади. Биз учун Европанинг кучли жамоаларидан бири билан баҳс олиб бориш катта шараф.
Учрашув ФИФА билан расман келишилган. Шу боис унинг натижаси терма жамоалар рейтинги учун очко ҳисоблашда инобатга олинади. Бу тўлақонли халқаро ўртоқлик учрашуви бўлади.
Бу ўйинни ўтказиш имкониятини ўтган йили ҳам муҳокама қилган эдик. Ўшанда ҳам ўйнашимиз мумкин эди, аммо бир қатор ҳолатлар ва тақвимнинг зичлиги туфайли учрашувни ташкил этишнинг иложи бўлмади. Охир-оқибат, баҳсни шу йил октябрда ўтказишга келишдик.
Ишонаманки, ушбу ўйин мамлакатларимиз ўртасидаги муносабатларни янада мустаҳкамлайди», — деди Шимоошили.
